Minwe Ifutse Idogo - Poem by Mwalimu LAKHPIN








Si kera cyane ungeze mu maso
Undasa ikico ubwo ndamiraza
Ngacya mu maso uko nkubonye
Umutima utera utinye ariko utwawe
Nti : “Tuza ntuza untamaza !”

Uko bukeye unyuzura cyane
Gusa ndabizi ko bidakwiye
Kuko natinze kugera aho uri
Ahari aba ari nge ushinze
Ntacurwa ntotwa nk’uwazubaye.

Ubizi cyane unsomye mu maso
Simpisha rwose ariko mpisha byinshi
Kuko natojwe kuziga cyane
Ngo ejo igikwiye mbe ari cyo ndonka
Cyo kudasenya ibyubatswe imyaka.

Si gusa hanze n’imbere kandi
Indemo yawe ijya inkora ahantu
Si zimwe z’ubu ni iy’ubumuntu
Aho wabaye ntihasuherwa
Na yo amatiku uyazira cyane.

Imboni zawe n’inyumvo uhanzwe
Binsaba cyane bisa ibyo nsenga
Mutima ukeye w’ubushishozi
Ntabona ahandi kuva na kera
N’ukuri utunze ni ntakemangwa.

Bwa butore n’ubwitange
Ubwuzu bwinshi, ibinwanwa bitwenza
Ibitwenge bitwishe ukatwunza umuneza
Umugambi n’intego ukabyubaha cyane
Ugatoza umubano izi mbyiruke zeze.

Nkumva cyane ntanakuruzi
Waza nkitsa nkabura ijambo
Gusa buriya mba mvuga cyane
No kukureba ncya mu gituza
Nkuzura ituze kurya iyo undebye.

Intoki zawe ni nk’umuringa
Uko zitonze aho ku kiganza
Zifutse idogo zizira indonyi
Iyo uzihunze amatama yange
Ziba ari cyuki zikandembya.

Karya ka Rumba tubyina cyane
Na burya bwema tuba duhuje
Na wo umuneza unyatsa ince zose,
Na rirya hobe ndirira iteka
Na cya kiganza kurya tugenda.

Tumwe duhuza mbona tubaye
Nkibaza cyane icyo kibitera
Nkibuza cyane kwibaza cyane
Ngo hato ntaduka nk’igihanda
Ngashira ubwoba aho ntabikwiye.

Ntuha urwaho urwango iwawe
Urwana urwanya ihezwa ryose
Wanga umwaga utinya itiku
Ukanga abirya ukunda abiga
Nta buryarya uruta zeruji.

Cyuma cyaterejwe abakeza
Cyuzuzo cyuzurijwe inzare
Kitabiro cyazonze intyi kitazuyaza
Saro ntasumbwa nso y’urusage
Wasaritswe ubwise nge ntarorera.

Ngututse ihirwe utunge utunze
Utorwe utakwe utete uteteshwe
Bitinde iteka utarame natwe
Na burya hirya nkubone isango
N’ingabe yawe ibe nyabihumbi.

Umunsi wange nzasigura
Ko uzira icyangiro mu matwara
Ko uzira icyanze mu cya sinzi
Ko uzira icyusa na cyugazi
Ko uri icyuzuzo k’intango.

Nzavuga ko uri mwiza utarutwa
Ncire imbere ntuze nkuvunye ihobe
Bitabaye ibyo ngusige bitinde
Kuko wabaye ruti rutitiranywa
Minwe ifutse idogo mu ncyo dukeje.

Read More »
No comments:

Behind The Eyes - Poem by Mwalimu LAKHPIN








Within a world so wander
Most of us live in pretence
To puzzle hopes we all surrender
Dreaming until it never ends.

Holding a light all the way
Never becomes being right
It's chasing darkness away
And always be ready to fight.

Understanding all the about
Is never knowing the within
Nor knowing what’s up
But being introduced therein.

Being a head to a crowd
Never means being meant
It's all being prioritized
Ready for stress in your sight.

Fighting hard and righteously
Never means becoming a winner
It's losing victory before you get one
Building hopes ambitiously as a loser.

Those who know and know it
Are those who live it and don't care
Who think they know never got to it
Ongoing wonders interrupt their fare.

Calling yourself normal, abnormality
Much love brings much pain
Much faith brings worry
And much trust begets deceit.

He who fears fears not
Who fears not fears already
Who lies knows the fact
Who speak truth don't know a lie.

A trusted is not a perfect
It's who needs it much
Fights for it day and night
Not a goer in any church.

Who dreams big never get big
Who suffer the most never get tired
Walls of curse occupy a ring
Who's wise may be far beyond.

It's he who plans big to get big
And who aims far to get a trend
Be a silent rude of the ping
A silent slim and so fainted.

Who yells isn't a more wounded
What is seen isn't what's there
To know what it is you get bumbled
Behind the eyes, a confused sphere.



Read More »
No comments:

Ndi nde? - Poem by Mwalimu LAKHPIN








Nakabaye ndi nde?
None se ubu bwo ndi nde?
Ko ikibazo cyanzubaje
Ntazi niba n’abandi
Haza uwampa inama?

Ni nde watumye ndi aha
Ngo ahari mubaze impamvu
Ari uku we yabishatse
Ntampe amahirwe n’amwe
Yo kuba naba ndi undi?

Byaba ari iki guhirwa
Ko inshoza ururimi rumpa
Idatoranya ivuko n’imbo
None nkaba ibyo ndeba
Abantu bagena byose?

Nshaka kumenya umuntu
Wifashe nta soni habe
Ngo nitwa Muhire maye
Ryamfata akumva ntakwiye
Guhirwa n’ubwuzu ankwiye.

Nshaka kurya akagati
Byose bigakereta
Nanamira ku tuzi
Nkumva ari umuneri
Ntasubira n’ejo.

Ngenda nta ho ngiye
Nkaza nta ho mvuye
Ntsindwa nta rubanza
Nsinda ntananyoye
Sinshamaje rwose.

Nzahajwe n’imigambi
Ingingo narazirunze
Ngize ngo nsenze Imana
Nshaya mu ya ruzungu
Mbibonye inyoheye iwacu.

Nshaka kubaza data
Impamvu atari we data
Kandi kaba na data
Ngo ambwire data wundi
Menye uwo nshinja nyawe.

Nsanzwe ndi umuhombyi
Witwa umwige umwaye
Wimwa utwamwa hose
Nta cyo nzi kibitera
Ntazi iyo ituze rituye.

Nshaka kumenya impamvu
Nagwije amashuri nca akenge
Ngakwiza umurava n’umwanya
None nkaba ndi nta we
Nta mukoresha unshima.

Nshaka kubaza Imana
Ya Shyundu na we Rugwiza
Ya za Bufundu, Bunyambi
Yo yamenya amibazo yange
Ntinzize ubwige yanteye.

Nshaka kuba undi muntu
Wizihiye gukundwa
Winamye mu mahirwe
Simbe mbarubukeye,
Nshaka ifoto ndi “Bwana”!



Read More »
No comments:

Naba Uwa Nde? - Poem by Mwalimu LAKHPIN








Ndidegembya nkijya iteka
Nkumva naba ukwange ahange
Ncunga iryange zamu rwose
Nkiha inama nkikoresha
Nimye abantu bose amaso.

Naba uwa nde ntaye mwebwe?
Naba icyanzwe cya rucyoomwâ
Cya makenga acyahwa akejwe,
Ngenda ingendo igetura amenge
Ndi ubugenge imungu zishe.

Naba itongo mu mpu zose
Ntawumpeza ahubwo mpungwa
Nta mahirwe anyambika inkindi
Ndi icyo ntazi rwaserera
Ndi nk'akavumbi iyo imvura iguye.

Naba umwanda indinde indenze
Indaro ndase ikantamaza,
Nayatora amashashi rwose
Ndi yayu nyenga ndusha sukari
Amaganya yose atuye iwange.

Naba nta we mwabishenye
Naho naba mpatse Mirenge
Irungu ryanyu ryanta iwaga
Ubwuzu mwisa nkaba mbuhombye
Ndwaye ubworo inzara ica ibintu.

Uw’Imana n’ijuru se ?
Nsenge cyane mpange ingendo
Nange iby’isi ariko mbitunge
Nigire kandi impunzi iwange ?
Sinkabeshye akageni nk’ako.

Numva napfa nkaba nkirutse
Nkitse ibyago byose by'ino
Nkaba nkirutse ingoyi z'iminsi
N'amavunane ampoza mu cyaka,
Mbega ngatuza ngeze iyo bweze.

Nkumva ngiye ntaba mpombye
Cyane cyane nsize nabyaye
Ngo izina ryange rihore rizwi,
N'aho ngiye nge mbiharata
Ko iyo navuye nagize ijambo.

Birabareba abange bose
Ari ababeshya n'abatabeshya,
Amarira menshi yabazonga
Ntanabireba nubwo wumva
Ngo Basote ngiye bakinkeneye.

Nuko naba nashize akuka
Nababwira guhora bose
Byabagora ngasaba ijambo
Nti namwe muze mureke itiku,
Gusa ndashyenga nta n'uwaza.

Umutima wange urira uko uteye
Ku bw'amasimbi yancuze ubwenge,
Najijisha ngo ncume intambwe
Inzozi nashenye umutwe zikesa
Intimba ikanga igakara ndeba.

Kuba ikitazwi ndi no mu banzi
N'ibyo nkwiye simbikwirwe,
N'aho ngiye nkiyakira
N'ibyo ndeba mba ntanashaka
N'imico impiga ngo nyige yose.

Naba nsanze iyobera mwumva
Ribirukansa impinga zose
Rimwe ritinya kubazwa ibyaryo
Inyoboke zaryo zirisha ijambo,
Ntawe mpazi ntawuhanzi!

Sintsiruye nge ni mwe ndeba.
Mbazi mwese mu ntaganzwa,
Uwabaveba namucyaha
Nkamukukumba nkamuta hirya
Yasubira nkamuta ishyanga.

Ngumye ahangaha nge ni ho iwacu
Icyanze umunsi kiba igihuma
Kugwa iyo ntazi nsize nge aho nzi
Biragatsindwa bibure iyago,
Nzaharamba birabareba!

Mwankemesha mwanzubaza
Mwabitinza mwantebutsa
Simbaveba igihe n'icyacyo
Ndazi neza ko ari nge namwe
Uwanyu ndebwa indoro ishamaje.



Read More »
No comments: