Umukunzi uturiye - Mwalimu LAKHPIN

       Nsiga Yezu umusingizwa

       Utansiga amansonza

       Akansarika ibisare by’iseruka

       Ngasiga ntiswe umusuhere

       Niswe umuserukirashimwe.

       Angaba ituze agahora andata

       N’ibiti bwite bitega ibyate

       Biti dutake uyu wadutuje

       Na yo imitaga igatabwa itawe

       Imico myiza ikaba nk’ibiza.

       Umuco ncengewe mu macuka

       Umpa gucika njya kuwuconga

       Mbona ibicanyi bicura icana

       Bica agacyocyo aho imbere yacu

       Biti uyu yezu ni karuhura

       Umururumba umwe w’uburumbo

       Ubura kumboneka imubyimba

       Imbuga zange ni zo kuramba

       Mba impoza n’ibi ndabiririmba

       Imbeho yibera mu binamba.

       Naratuje mvuna umutaga

       Nti ko ntashonje nkaba nakwese

       Ko nahimbye nkaba ntarembye,

       Ndeke iyi myato kandi

       Y’urugo rwiza rutumye ndambye?

       Nti hinga ngende mbivuge hose

       Na yo isahaha iti turahuye

       Ngo uce ubusembwa uvuge uwo nguwo

       Na yo amagambo uyabone meza

       Kuko ikirenze ni kumushima.

       Imana ikunda kumara intimba

       Imari ikaza ikagaba itimba

       Ngo dore ngenga menya ubwo bwenge.

       Nti hora Mana undutiye ifeza

       Intako yange yo iragutinya.

       Hinga nshime inkuyo wampaye

       Na cyo igicaniro naracyose

       Inkamwa zije mbona ayo ncunda

       Ngo ejo ntagomba kuganya cyane

       Ufite intambwe inyarutse cyane.

       N’abo bami bafite iningwa

       Ntibakuganza kuko ubarenze

       Wageze i Rwanda ho uraharara

       Warahatuye ni ko mbireba

       Kuko utahaje mba ntakirangwa

        Intego nyinshi izi z’ibihanda

        Zikora ukwazo no mu mihanda

        Ngo ejo ntarenga nkanabisenda

        Bisa n’isayo ntibinagenda

        Ariko icyo nzi mfite umuzinda.

      Ingabo zawe z’urudatsindwa

      Ku rudasesa zirahatetse

      Na bwo ubutwari zirabutwaye

      Ngo aho ntatanga ntabigusenze

      Koko ndarambe kurorwa nawe.

       Gahore urimbye ibyo biririmbo

       Uko ndabanza iri zina ryawe

       Umfate nange nge mu misango

       Ngere iyo bweze ngeze mu bawe

       Itiro ntuwe ndiguhe untunze.

       Wakoze ibyiza unsanze ahantu

       Ngusabye isaha imwe ngo ngusenge

       Uzi aho unsanga uje kunsura

       N’uko unsanga ntabigukinze

       Nduha ntagambye ibyo urabireba.

       Mburana Dawe ndeke icyo cyavu

       Mbe muto ushima ndi kurya inganzo

       Iyi yo intunze ndeke ubuceshwa

       Isibo isanzwe isige ntasinze

       Maze ngushime n’ejo bundi

       N’iyo wamfuka amaguru yose

       Amaso yanjye akabura izuba

       N’igituza cyo kikaryiba,

       Nakura ingofero umpaye

      Ngatera ivi ngo mana urera

       Mfashe nk’akanya nkabona isimbi

       Rusakaza zikansanga

       Zikansanganya iyi mpano

       Nakuza untaze umpa no guhirwa

       Ntamba Umukunzi uturiye! 

                                                                                Lakhpin

                                                                              Emmanuel Muhire

Read More »

Loving you by Lakhpin to be released soon

Lakhpin  is a renowned country musician in Rwanda who has proven poetic influences in all his writings since 2006. He has recorded a couple of songs back in 2011 and 2012 though he doesn’t consider them as part of his professional music career because they were all rap songs sung for only fun. Since then, he has been active in other different activities including teaching and theatre directing.

This October 2017, a new single “loving you” is being released. It is a perfect track for Lakhpin’s unique sound with an uplifting country beat and catchy tune. The song is at its final stage and I think it will be such an inspiring song to my fans and music lovers. I spent many years readying myself, getting together all the tools I need to get going as well as setting up my favorite genre through which I’ll be telling my personal experiences and point of views as an artist; says Lakhpin.

He is calling upon music lovers and supporters to stay an active and engaged audience because he will never let them drawn.

You can follow Mwalimu Lakhpin to get every single update directly from him on:

                         Facebook      Twitter          Instagram         Google+

Read More »

Ibirorirori - Mwalimu LAKHPIN

     Havugwe ibirorirori

     Mvuga abivuga bahinde

     Ubumwe umurimo ukunda gihugu

     Ubuhanga bube intego,

     Usugire usagambe iwawe.

      Imyato ah’ejo

      Imahanga batijajara

      Tubatambuke bose

      Indogore, abagaga baze

      Ndore ba ruvonyezabwehe

      Akarimbiro aho kabagera

      Umwuga ukiza utuvangire

      Dukagukire guhumuriza

      I buhoro tuhahore iteka

      Intangamuganzanyo ngombwa.

Turindukire mu bikorwa

Wenda uze urute benshi

Sinshaka abate i Rwanda

Nshaka abagaga badahonya

Bakabura uwo basubiza inyuma.

Ubute butera ubutindi

Ubute butesha ubutunzi

Utururutse i butebwa

Gusakuza bitere urore

Ubugome utazi bugwire.

Bimwe byifuzwa bibure

Intebe ivunike ituramira

Tubyiteje kudakora

Abana bose ngo karabaye

Na yo imihanda ibaha ubugenzi.

Ubusambo ntiwareba

Inkoni ni bwo zibabonye

Nyamukuka izo z’imbuzi

Bamwe bakabandagara

Ibineza byo bikarumba

Amahoro dufite ubu anyemeza

Ba mawe bagengere

Ba dawe bakukuze

Ubukene burohwe na gakora

Dukure mu kuri kw’iwacu

Ni nde uzindutse iwawe

Muhane inka mwubahane

Umuco wimakare iwanyu

Nyiramahoro tumushimye

Dususurukiwe na rwanda

Twumve ntidukore inabi

Tuzongwe urukundo rumwe

Umurava ube uturanga

Impotore tuzisingire

Ngo ejo ubute butatwokama.

Mwereze imisago ukuri

Twimar inambu biriho

Nsanga ngusomere wisobe

Urasanga warasikaye

Umbaze iyo mvana nkubarire

Amateka matoya mfite

Agombe abwirwe abatoya

Bataragira ako batera

Bakataze batunganirwe

Umutekano ubature.

Bari bashiki banjye mwe

Mwisamara mwiyica

Ubwo bufaranga bw’ubuzima

Icyerekezo ni ubukungu

Si ubukonde nta bukene

Ni bwa bute ngica umfashemo

Maze ubwo mubona mbaciye

Izo nyana za kadegembya

Ngo aho nzasomera nzihire

Urukungahaza ntangutse.

Amahame bwana ategwe imbere

Aha si ahacu hate hose

Usembure uwo musa utuje

Ushire amanga ute agahama

Abate ubanza bakabyumva

Duce ubuzana bukebanya

Ba kuri bakeremukike

Ubuzana bube ubw’i ruguru

Iyo epfo bibone i mashuri

Maze abahanga bagwire.

Mu byo turirikira byose

Nihabemo umuco uturange

N’imvugo yonyine ibe ingiro

N’amacakubiri acyomwe

Ukuri kuganze tunezwe

Si ugucika uruhondogo

Si ugucunaguza karande

Ni inkokora nabatizaga

N’urubyiruko mu iterambere

Ntiruhejwe mu ntego.  

                                                                        Written in 2005 by Lakhpin

Read More »

Nyumvira Shenge - Mwalimu LAKHPIN

    Nyumvira nkumve muhorakeye

    Narakubonye mbona urakeye

    N’ibiryo by’ubwo sinabiriye

    Mbona akamama kadasukuye

    Nyumvira mwari mbone ngukoye

    

      Ingabo zanjye maboko yanjye

      Ziruse igaju ngo ribe iryanjye

      Ubufaranga ubwo bw’ubushakwa

       Sinabuhombye twabushaka

       Rugero rwiza mpa inseko ikeye

      

       Nyumvira shenge mere nk’abandi

       Mbone akabanga karuta akandi

       Ako njye nshaka ntabona ahandi

       Maze n’icyasha kiruta ibindi

       Ni rwo rukundo ntasaba abandi

      

       Ngusabye akanya karuta akandi

       Nkubaze akantu gatega abandi

       Mvunira sambwe nkurushe abandi

       Nkugabe ituze ntari mutindi

       Ngo n’ifaranga rijya mu rindi

      

      N’iyo naba ndya ibi by’abatindi

       Nagusiga nkarya uruhayi

       Nkabura amazi nguha divayi

       Ngabira ituze nkubone waje

       Kuko ababeshya baratuganje

      

       Komeza wumve nyumvira shenge

       Narabibonye sinakubwira

       Ngusabye kuza utaguze inshinge

       Nkaguha amazi nanakubwira

       Nyumvira shenge mbone agahenge

      

       Ngize ngo izuba riranarenze

       Kuko ribonye mvuze irihenze

       Singuhenda ni ibi nsinze

       Abaryi bose ntibakurenze

       Urariboye njye mbona undenze

     

       Ngeze aha ngaha ntabihishuye

       Dore iri jambo njye ndarikuye

       Nguca amarenga ngo umenye ryose

       Kuko ndashaka ko umba iruhande

       Mpora nkureba nta gikingo

     

      Tetero ry’i tare mu batezi

      Ry’uwagutoye w’uruti rwiza

      Agata urwano rw’urutaturwa,

      Tikiro bwite uruta abatunzi

      Ukanatera umuteto iteka

       

       Nsigaye numvira nka karisimbi

       Ngo mpore ndota ndora iryo simbi

       Maze nkubwiye mbona aka kanya

       Ngo umenye cyane ko ntakurwanya

       Ko nagukunze bifashe umwanya

      

       Iyo nkureba ubwo mpita ntwarwa

       Nakureba nkabura indebo

       Iminwe yanjye yo ikagutinya

       Ingohe zose ubwo zigapfuka

      Ariko sinzi ko ari njye ukunda

     

      Mbona uyu munsi mbivuze none

     Ubite iwawe umenye ko mpiye

      Ubyumve n’ejo nkubone ikaze

      Unkize icyago cy’urukukumbe

      Mpore udasanga narasereye

      Ibi nkubwiye mbiteze umunsi

      Utari kuza unsubiza none

      Gusa unashake ako gahe keza

      Ibi nkubwiye ungabe iryo nkwiye,

      Nyumvira shenge nkurore ubwanjye

      

       Ni ibi akabanga mporana ngenda

       Iwanjye hanjye ni muri njyewe

       Haze ungenge ungenze neza

       Nitwe muhire mbe nkwihariye

       Utone ntatijwe nguhawe!

                      By Lakhpin in 2008            

Read More »